Teater Sunda Kiwari baris ngagelar deui Festifal Drama Basa Sunda (FDBS) anu kasapuluh kalina. Ieu festival drama Sunda anu paling bergengsi teh lumangsung sacara konsisten saban dua taun sakali. Acara FDBS bakal digelar ti tanggal 11-28 Febuari 2008, kalayan tempatna di Gedong Kasenian Rumentangsiang, Jl. Baranang Siang No. 1, Bandung. Pendaftaran peserta FDBS geus dibuka ti tanggal 1 Oktober 2007, kalayan baris ditutp tanggal 1 Febuari 2008. Ku kituna, pikeun anu mibanda karep miluan FDBS, leuwih hade geura ngadaptarkeun ti ayeuna mula ka Gedong Kasenian Rumentangsiang, Jl. Baranang Siang No. 1, Bandung, unggal poe ti jam 09. 00 nepi ka jam 16.00 WIB.
Naskah-naskah anu bisa dipilih ku para patandang FDBS, di antarana: Jeblog (karya Nazarudin Azhar), Rorongo (karya Arma Djunaedi), Badog (karya Dhipa Galuh Purba), Randu Jalaprang (karya Tatang Sumarsono), Karikatur Nu Gelo (karya Arthur S. Nalan), jeung Akalna Si Apin (Akal Bulus Scapin, karya Moliere, saduran bebas Rosyid E. Abby).Bisi aya anu rek ditanyakeun ngeunaan ionformasi sejenna FDBS, bisa ngontak bae ka Dadi P. Danusubrata, Ketua Teater Sunda Kiwari (HP: 08122011713), Encep (081572063063), atawa Iqbal (08562100125).***
1 komentar:
hayu dirojong--dirojong lah,,mudah-mudahan bae Teater Sambada teu di WO.
Posting Komentar